ವಿಡಂಬನೆಯ ಲೇಖನ “ಮುಸುಕು ಹಾಕಿದ ಬುರುಡೆ”ಯೂ ಕೂಡ ಇಂದಿನ ವಾಸ್ತವತೆಯನ್ನು ವ್ಯಂಗ್ಯವಾಗಿ ವಿವರಿಸಿದೆ. ಕ್ಯಾಪ್ಟನ್ ಧೋನಿ, ಪಂಚತಂತ್ರದ ನರಿ, ಪರುಶದ ಕಲ್ಲು, ಕರ್ನಾಟಕದ ಬಂಡೆಗಳೆಲ್ಲವೂ ಏನೇನೆಲ್ಲವನ್ನೂ ನೆನಪಿಸುತ್ತವೆ. ಹೊಳೆಯಾಚೆಯ ಧರ್ಮಸ್ಥಳವು ಉತ್ತಮ ಲೇಖನವಾಗಿ ಆ ಕಾಲದ ಶುದ್ಧ ಸಮಾಜ ಜೀವನವನ್ನು ಕಣ್ಣ ಮುಂದೆ ತಂದಿದೆ.

- ರಾಮಚಂದ್ರ ಶಾಸ್ತ್ರಿ, ಶಿವಮೊಗ್ಗ

ಬದಲಾಗುವುದೆಂದರೆ!

ವ್ಯಕ್ತಿಯು ಬದಲಾಗಲು ಕಾರಣವಾಗುವ ವ್ಯಕ್ತಿ ಮತ್ತು ಪರಿಸರಗಳನ್ನು ನಮ್ಮ ಮುಂದೆಯೇ ನಡೆಯುವ ಸನ್ನಿವೇಶವನ್ನು ತಂದು ಪ್ರಸ್ತುತ ಅಂಕಣದ ಲೇಖಕಿಯು ಎಂದಿನಂತೆ ಅತ್ಯಂತ ಸುಂದರವಾಗಿ ವಿವರಿಸಿರುವರು.

-- ಕೋಮಲ ಸುಂದರ್‌, ಗುಬ್ಬಿ

ಪರರಿಗಾಗಿ ಪ್ರಾಣವನ್ನು ಕೊಡುವುದು

ದಧೀಚಿ ಮತ್ತು ವೃತ್ರರಾಕ್ಷಸರ ಉಪಾಖ್ಯಾನವು ಓದಲು ಸುಂದರ ಕಾವ್ಯದಂತೆ ಇದೆ. ವಜ್ರಾಯುಧವನ್ನು ಸೆಳೆದುದೇ ತಡ ಮಿಂಚಿನಂತೆ ಬೆಳಕು ಹರಿಯಿತು. ವೃತ್ರನ ದೇಹ ಪರ್‌ಪ‌ ಎಂದು ಹರಿಯಿತು. ವೃತ್ರಸತ್ತ ಮತ್ತೆ ಬೆಳಕು ಬಂದಿತು. ಮಕ್ಕಳೆಲ್ಲರೂ ಓದುವಂತಹ ಓದಲೇ ಬೇಕಾದ ಕಥೆ.

-- ರಾಜಾರಾಮ್, ಶ್ರೀನಗರ

ನಾನು ಮೊದಲು ಹುಡುಕುವುದು ಶಬ್ದಶೋಧ

ಶಬ್ದ ಸಂಪತ್ತನ್ನು ಬೆಳೆಸಲು ಸಾಮಾನ್ಯ ಜ್ಞಾನವನ್ನು ಪಡೆಯಲು ನನ್ನಂತೆ ಮೊದಲು ಪುಟ 32ನ್ನು ತೆರೆಯಿರಿ.

-- ವನಿತಾ, ಹಾವೇರಿ