ಹೆಸರಿನಲ್ಲಿದೆ ಸಂಸ್ಕೃತಿ

ಹರಣಿ:

ಹಿರಣ್ಯ ಕಶ್ಯಪುವಿನ ಮಗಳು. ಅನಿಯನ್ನು ಈಕೆ ಮದುವೆಯಾದಳು.

ಸ್ಥಾಣು:

ಶಿವ, ಏಕಾದಶ ರುದ್ರರಲ್ಲಿ ಒಬ್ಬ.

ಸ್ಕಂದ:

ಸುಬ್ರಹ್ಮಣ್ಯ ಸ್ವಾಮಿ. ಇವರಿಗೆ ಕುಮಾರ, ಗುಹ, ಷಣ್ಮುಖ, ತಾರಕ ಎನ್ನುವ ಹೆಸರುಗಳಿವೆ.

ಸುರಭಿ:

ದೇವಲೋಕದ ಹಸು. ಕಾಮಧೇನು.

ಸುದಕ್ಷಿಣಾ:

ದೀಲಿಪನ ಹೆಂಡತಿ,

ಸುಜಾತಾ:

ಉದಾಲಕ ಮುನಿಯ ಮಗಳು. ಕಹೋಳ ಮುನಿಯ ಹೆಂಡತಿ, ಅಷ್ಟಾವಕ್ರನ ತಾಯಿ.

ಸುಕನ್ಯಾ:

ಶರ್ಯಾತಿ ರಾಜನ ಮಗಳು. ಚ್ಯವನ ಋಷಿಯ ಪತ್ನಿ, ಇವರ ಮಗ ಪ್ರಮತಿ.

ಸರ್ವದಮನ:

ದುಷ್ಯಂತನ ಮಗ, ಭರತನೆಂಬ ಹೆಸರೂ ಇದೆ.

ಸವ್ಯಸಾಚಿ:

ಅರ್ಜುನನ ಹೆಸರು. ಎಡಗೈಯಿಂದಲೂ ಬಾಣ ಪ್ರಯೋಗ ಮಾಡುತ್ತಿದ್ದುದರಿಂದ ಬಂದ ಹೆಸರು.

ಸಾಂದೀಪನಿ:

ಅವಂತಿಯಲ್ಲಿ ಗುರುಕುಲದ ಕುಲಪತಿ, ಬಲರಾಮ, ಕೃಷ್ಣ, ಸುಧಾಮರು ಇಲ್ಲಿ ವಿದ್ಯಾಭ್ಯಾಸ ಮಾಡಿದರು.

ಸತ್ಯಾ:

1) ಬೃಹದ್ರಥನ ಹಿರಿಯ ಹೆಂಡತಿ,

2) ಶ್ರೀಕೃಷ್ಣನ ಅಷ್ಟಮಹಿಷಿಯರಲ್ಲಿ ಒಬ್ಬಳು. ನೀತಿಯೆಂದೂ ಈಕೆಯ ಹೆಸರು.

ಸಂಹ್ರಾದ:

1) ಪ್ರಹ್ಲಾದನ ತಮ್ಮ. ಈತನ ಹೆಂಡತಿ ಕೃತಿ. ಮಗನ ಹೆಸರು ಪಂಚಜನ.

ಸಂವರ್ತ:

ಅಂಗೀರಸನ ಮಗ, ಉಚಥ್ಯ ಮತ್ತು ಬೃಹಸ್ಪತಿ ಈತನ ಸಹೋದರರು.

ಸಂಜ್ಞಾ :

ವಿಶ್ವಕರ್ಮನ ಮಗಳು. ಇನ್ನೊಂದು ಹೆಸರು ಸುರೇಣು, ಸೂರ್ಯನನ್ನು ಮದುವೆಯಾದಳು. ವೈವಸ್ಥತ ಮತ್ತು ಯಮ ಇಬ್ಬರು ಪುತ್ರರು. ಯಮುನೆ ಮಗಳು.

ಶ್ರುತ:

ದ್ರುಪದನ ಮಗ, ಕುರುಕ್ಷೇತ್ರದ ಯುದ್ಧದಲ್ಲಿ ಅಶ್ವತ್ಥಾಮನಿಂದ ಹತನಾದ.

ಶ್ರುತದೇವಾ:

ಯದುವಂಶದ ಶೂರರಾಜನ ಮಗಳು. ಕುಂತಿಯ ತಂಗಿ ದಂತ ವಕ್ರನ ತಾಯಿ.

ಶ್ರುತಃಶ್ರವಾ:

ಕುಂತಿಯ ಇನ್ನೊಬ್ಬ ತಂಗಿ. ಚೇದಿಯ ರಾಜ ದಮಘೋಷನ ಹೆಂಡತಿ. ಶಿಶುಪಾಲನ ತಾಯಿ.

.